> А Тропаря прп. Павлу Фивейскому у Петко Хинова нет? Кондак ему нашла в "Полном Тропарионе", и Тропарь, но - общий.
Вот моя "полная коллекция", еюже снабдих клирос в лето сие:
15 января́.
Тропа́рь прп. Па́вла Фиве́йскаго э́ллинский, гла́с 3.
Боже́ственнаго Ду́ха дохнове́нием/ пе́рвый в пусты́ню всели́лся еси́,/ Илиину́ ре́вность подража́я./ И пти́цею пита́ем,/ я́ко равноа́нгелен,/ от Анто́ния ми́ру позна́лся еси́./ Па́вле преподо́бне,/ Христа́ Бо́га моли́// дарова́ти на́м ве́лию ми́лость.
Тропа́рь прп. Иоа́нна Ку́щника э́ллинский, гла́с 4.
От младе́нства Го́спода возлюби́вый те́пле,/ ми́р оста́вил еси́ и я́же в ми́ре кра́сная,/ и подвиза́лся еси́ до́блественне./ Кали́ву поста́вил еси́ пред враты́ роди́телей твои́х/ посрами́л еси́ бесо́вская лови́тельства, всеблаже́нне./ Сего́ ра́ди тя́, Иоа́нне,// Христо́с досто́йно просла́ви.
Тропа́рь прпп. Па́вла и Иоа́нна, македо́нский, гла́с 5.
Подыми́, Фиваи́до, кня́зи своя́,/ и просла́ви Илию́ во пла́мени,/ Иоа́нна в пусты́ни и Па́вла в раи́,/ вси́ во рабе́ Христо́вем Па́вле Вели́цем,/ и́же, я́ко пе́рвую о́трасль, пусты́ню укроти́,/ и Ца́рство Небе́сное насле́ди,/ ны́не же о на́с мо́лится// пред престо́лом Усынови́вшего и́.
И́н тропа́рь прп. Иоа́нна Ку́щника, македо́нский, гла́с 6.
Иоа́нне, его́же любы́ ражда́ет терпе́ние,/ учениче́ Христо́в,/ ве́рше недости́жне де́моном,/ его́же моли́тва ка́мение растаева́ет и Бо́га умилостивля́ет./ Те́мже и на́с не забу́ди ны́не, в Небе́сней широте́ пребыва́яй,// и ма́нну нетле́нну в сла́дость вкуша́яй.
Конда́к прп. Па́вла Фиве́йскаго, гла́с 3.
Подо́бен: Де́ва дне́сь:
Я́ко свети́ло незаходя́щее мы́сленнаго Со́лнца,/ соше́дшеся, дне́сь восхва́лим в пе́снех: / возсия́л бо еси́ су́щим во тьме́ неразу́мия,/ вся́ возводя́ к Боже́ственней высоте́,/ Фиве́ев украше́ние,/ Па́вле преподо́бне,// отце́в и по́стников тве́рдое основа́ние.
И́н конда́к прп. Иоа́нна, гла́с 2.
Подо́бен: Вы́шних ища́:
Вы́шних улучи́ти, прему́дре, жела́я,/ до́лу кра́сных, му́дре, преоби́дел еси́/ и, Христу́ обнища́вшему сообнища́в,/ ра́дуяся, после́довал еси́, Иоа́нне.// К Нему́же приле́жно не преста́й моля́ся о все́х на́с.
Конда́к прп. Иоа́нна Ку́щника, гла́с 2 [по 6-й песни], но́в перево́д.
Возлюби́в, му́дре, нищету́ Христоподража́тельную,/ роди́телей твои́х бога́тство оста́вил еси́,/ и Ева́нгелие в рука́х твои́х держа́,/ после́довал еси́, Иоа́нне, Христу́ Бо́гу,// не преста́й моля́ся о все́х на́с.
И́н конда́к прп. Па́вла Фиве́йскаго, э́ллинский, гла́с 4.
Свети́льника на высоте́ доброде́телей возсия́вшаго/ восхва́лим, вси́ ве́рнии, Па́вла, зову́ще:// Ты́ еси́ преподо́бных, Христе́, ра́дование.
И́н конда́к прп. Иоа́нна, гла́с 3.
Уклони́лся еси́ жите́йскаго треволне́ния,/ и к приста́нищу Боже́ственному упра́вил еси́, блаже́нне, ше́ствия своя́,/ и источи́л еси́ исцеле́ния, я́ко струи́,/ ве́рою и любо́вию, Иоа́нне, к тебе́ притека́ющим и вопи́ющим:/ предста́ни в Де́нь Суда́ восхваля́ющим светоно́сную па́мять твою́, о́тче,// и страсте́й и му́к изба́ви.
"Эллинские" - это переводы Н. Бахаревой, македонские - это Петко Хинова. Без особых обозначений - тропари и кондаки из наших миней.
(Ударения с односложных слов не убирал - если транслировать в "Древо", здесь принято убирать.)
|