Обсуждение статьи "ЛИКВИНЕНКО ДОМНИКА ИВАНОВНА"

Опять из-за лимита сам вставить не могу. Пожалуйста, добавьте в статью раздел "Молитвословия" и туда тропари и кондаки. Можно дать и ссылку на полную службу (откуда они и взяты): http://pravoslavie.ks.ua/rubric/sluzhby/article/sluzhba-blaz...oj/ (оф. сайт Херсонской епархии "Херсонщина"). Не могу не отметить, что на удивление аккуратные и грамотные тексты (не в пример многим вновь пишущимся!).

Тропарь, глас 5

От ю́ности жела́нием Боже́ственныя любве́ разжига́ема,/ суету́ жите́йскую отри́нула еси́,/ смире́нием кра́йним и моли́твою непреста́нною/ му́дрость Христо́ву стяжа́ла еси́/ и в годи́ну лю́тую яви́лася еси́ наста́вница и́щущим спасе́ния./ Те́мже предстоя́ ны́не Го́сподеви в ли́це святы́х,/ помина́й моля́щихся тебе́,// Домни́ко, ма́ти блаже́нная.

Ин тропарь, глас 7

Чистоту́ жития́ твоего́ яви́вши,/ блаже́нная ма́ти Домни́ко,/ в по́двизех покая́ния и смире́ния Бо́гу угоди́ла еси́,/ сего́ ра́ди благода́ть стяжа́ла еси́/ лю́ди любо́вию огражда́ти,/ от ско́рбей и печа́лей избавля́ти./ Моли́ Христа́ Бо́га// дарова́ти на́м ве́лию ми́лость.

Кондак, глас 8

Си́лою укрепля́ема Всемогу́щаго Бо́га,/ в немощне́м естестве́ по́двиги многотру́дныя яви́ла еси́,/ и до́лу влеку́щия стра́сти/ чистото́ю и бде́нием непреста́нным умертви́ла еси́./ Сего́ ра́ди Христо́с Бо́г тя́ просла́ви ди́вными чудесы́,/ ма́ти блаже́нная Домни́ко,/ Ему́же приле́жно моли́ся// пода́ти на́м ми́р и ве́лию ми́лость.

Ин кондак, глас 8

В ми́ре се́м благоче́стно и пра́ведно пожи́вше,/ моли́твою, юро́дством и ины́ми по́двиги досточу́дными Бо́гу угоди́ла еси́,/ сего́ ра́ди и Госпо́дь в чудесе́х пресла́вну тя́ показа́,/ Его́же, свята́я ма́ти на́ша Домни́ко, моли́/ сохрани́ти гра́д се́й// и все́х люде́й, благоче́стно тя́ почита́ющих.